Алматы қаласындағы Абай атындағы Қазақ Ұлттық педагогикалық университетінде "Қазақтың ұлттық спорт түрлері - әлемдік мәдениеттің озық үлгісі" атты ғылыми тәжірибелік семинар өтті. 

Семинарда ұлттық спорт түрлерін ұлықтап жүрген белгілі азаматтар қатысып, дәрістер оқыды және шеберлік сағаттарын көрсетті.

Қазақ Ұлттық аграрлық зерттеу университетінің кафедра меңгерушісі, ауыл шаруашылығы ғылымдарының кандидаты, профессор Қайрат Ихсан мен "Qazaq Golden Steed" Қазақстанда туылған қолтума жылқыларды құжаттандыру компаниясының құрылтайшысы, белгілі атбегі Ертілеу Сатыбалды "Қазақ жылқы тұқымының ат спортындағы орны мен жетістігі" және "Қазақтың қолтума спорттық бағыттағы жылқыларын тіркеу, бір жүйеге негіздеу және құжаттандыру мәселелерін шешу жолдары"  тақырыбында баяндамалар жасады.